10 февраля (28 января) 1918 года

Новая молитва.

     Составлена следующая «молитва о спасенiи церкви православной:
     «Господи Боже Спасителю нашъ! Къ Тебѣ припадаемъ съ сокрушеннымъ сердцемъ и исповѣдуемъ грѣхи и беззаконія наша, ими же раздражихомъ Твое благоутробiе и затворихомъ щедроты Твоя. Сего ради праведный судъ Твой постиже насъ, Господи: раздоры и постороенія объяша насъ, убійства и кровопролитія, вражда и злоба умножишася до зела. Еще и на церковь Твою святую воздвижеся лютое гоненіе, во еже уставы ея разрушати, ученіе Закона Твоего попирати, благолѣпіе дому Твоего оскверняти и служителей и благовѣстниковъ слова Твоего оскорбляти и -изгоняти.
     Но, Премилосердый Господи, призри съ высоты святыя Твоея на слезныя мольбы нищихъ и скорбныхъ людей Твоихъ, преложи гнѣвъ Твой на. милосердіе и даждь намъ помощь отъ скорби.
     Вѣмый яко отъ лѣтъ древнихъ въ годины искушеній, страна наша токмо вѣрою Христовою отъ гибели спасашися, токмо молитвою и слезами покаянія отъ козней н сѣтей вражіихъ избавляшися. Сего ради и въ умиленіи сердца вопiемъ къ Тебѣ: охрани и нынѣ отечество наше отъ враговъ, губящихъ е, воспламени въ сердцахъ нашихъ любовь къ церкви Твоей Святѣй и научи насъ крѣпко, даже до смерти стояти за Святую Вѣру Твою, и за славу имене Твоего Святаго, и тако утверди и воспрослави Церковь Твою всесильною крѣпостію Твоею и отъ всякаго злаго обстоянія избяви ю.
     О распеншихъ Тя моливый, милосерде Господи, и рабомъ Твоимъ о вразѣхъ молитися повелѣвый, ненавидящихъ и обидящихъ насъ прости, не воздашъ имъ Господи по деламъ ихъ и по лукавству начинания ихъ , не ведятъ бо, что творятъ, но къ братолюбивому и добродѣтельному настави жительству, да обратятся к Тебѣ, своему Владыцѣ, и купно съ сынами Церкве Твоя прославлять Тебе единаго в Троице славимаго Бога вовѣки вѣковъ».

1901

1902

1903

1904

1905

1906

1907

1908

1909

1910

1911

1912